سِێ كورته چيڕۆكێن حه‌سه‌ن ئيبراهيم
1- ته‌نه‌كا گلێشي
ئەز ب ژۆر کەتم. بێهنا گولاڤێ تژی مەژیئ من بوو.
ماسەیەکا پهاگران یا شویشەی ئالایئ ولاتی لسەر لبەر سینگی بوو.
ناڤێ وی ب رەنگێ زێری لسەر پارجەیەکا دارێ نڤێسی بوو..
پرتوکخانەیاکا تژی بەرگێن کەڤنار لپشت کورسیکا وی یا ژ کەڤلێ تیمساحا یا دیار بوو.
مافوورەکا کاشانی لبنێ ژۆرێ وەک یا کوچکا هارون ئەلرەشید بوو…
هندەک وێنێن بەرپرس و سەرکردێن ولاتی ب دیوارانڤە د بشکورین…
سکرتێرەکا چاڤرەش قەهوە دئینا و ئێکا پۆر زەر ئاڤ…
سپلێت یا سار بوو. دیوان یا گەرم بوو…
هەر تشت بشارەزایی وئەندازیاریەکا جوان خەملاندبوو.
تنێ تەنەکەیا گلێشی یا تژی گازندەیێن خەلکی بوون…
2- هیڤی
ئه‌ز چومه بازارا هیڤیان.
من دڤیا هنده‌ک هیڤیا بکرم. ژ بەر کو هیڤیێن من نه‌ماینه.
که‌تمه ده‌ستێن هیڤیفرۆشه‌کێ فێلباز.
دڤیا هیڤیێن خڕش بفرۆشته من.
هندا ژبرسا هیڤیێن خوه دفرۆتن و هندا ژترسا.
ئه‌ز گه‌له‌ک گه‌ریام. ده‌ست ڤالا زفریم. چو هیڤی نه که‌تنه دلێ من.
دێ مینم لبهارا بێت. دبت، هیڤیێن باشتر بێنه چاندن…؟
3- کۆمێ سمۆ
سمو ژبەر دەینێن کرینا تویتنێ رەڤی دپاشیا شکەفتەکا تاری ڤە…
سپێدێ ژ خەو رابوو رویڤیەک ژ کونەکا شکەڤتێ دەرکەت کومەکی جەرمی یێ ددەڤی دا.
ژترسا سموی رویڤی کوم هێلا و رەڤی..
سمو کوم بلندکرە بەرانبەری چاڤێن خوە.
کێزکەک لبەر تەنشتا سمو ژ کونەکی دەرکەت.
سمو کوم دانا سەر کێزکێ پشتی چەندەکێ کوم راکر کێزک بوونە دەهــ…
بشەڤ درەنگ و بدزیڤە زڤری مال.
ژنبانێ بازنێ خوە یێ زێری هێلابوو دپەنجەرێ دا.
سمو بلەز کوم دانا سەر بازنی دا بدزت و دەینێن خوە پێ بدت..
پشتی هەمی نڤستین سمو کوم راکر بازن ببوونە دەهــ…
دەستێ خوە برە بەرویکا بابێ خوە هندەک پارە کرنە دبن کومی ڤە..
نهو سمو یێ بوویە سماییل پاشا…
حه‌سه‌ن ئيبراهيم
نویرنبێرگ
