ئەڤین و جەنگ
كه‌نعان بلێج
ژ بۆ وان .. ئەوێن ئەوێن ژ ئەڤینێ زڤڕین
ژ بۆ وان ئەوێن ژ جەنگی زڤرین
ئەڤین كە نارین نەچارن
بۆ وان یێن خەونێن زڤرینێ هەین
دبیتن كولانێن تەنگ مە ب خاپینن
و زەڤیێن گەنمی
مە بەرەڤ دوماهیكێن هەلاویستی
سێدارە بدەن
و سە ل دویڤ سیبەرێن شكەستی بهێن
دەریا بەران د مە وەردكەت
و سنوور شون پیێن مە نیگار بكەت
ئەو شون پیێن خەنا دایی
ب ئاڤا خەریبیێ
ئەو ئەڤینە
و بیتن جەنگ بیت….
جەنگ….
جەنگ ئەوە
تو رویس بهێی
و نەبوون ب ددانێ ڤیانێ تە بخوەت
تو بلەز بهێی
و لەشكەرەك ژ هەمبێزا
هەڤژینا زڤڕی
پرسیارێ ژ تە بكەت:
ل كیرێ نە كاروانێن كەوان؟
تو بهێی
و سەرما تە بسوژیت
دوماهیك د دوماهیك كولان دا
تو بهێی و زمانێ خۆ بۆ درێژ كەی
و بدەنگەك بلند بێژی:
ئەڤ بەستیا گەور
چەندا حیزە؟
بەژنا من یا دورپێچكری وەكی شیتك
تۆ بهێی و ب تورەیی بانگ بكەی
و فیشەك ژ بیستێ تە یێ شین دەركەڤن
ئەوە….
تۆ خاترا خۆ ژ زارۆكێن خۆ بخوازی
و گولەك د دەستێت تە دا بیت
تو دەریای ڤەخوی
و خوسارەتیێن خۆ یێن سیر بكێشی
ل سەر نیڤەكا جاددەیا خەونێ
برێڤەبچی
رێپیڤان تە بخاپینن
ئەوە جەنگ
دەمێ تۆ گولان ل سەر باژێرێن خۆ
یێن رەڤیایی پارڤە بكەی
لێ تشتەكی نەبینی
ب تنێ
قاتێ تەیێ زڤستانێ
ئەوێ ب دەرگەهێ خانی ڤە سێدارە دای….
كەنعان بلیج
