تەکین گرگین سينه‌ماكاره‌كێ كورد ژ هۆليۆدێ

دیدار: وارمان سه‌عید

( تەکین گرگین ) ژ دایـک بوویێ سالا١9٨٠یە ل کوردستانا باکور و دەرچوویێ بەرنامەیێن هونەریێن جـوان و دیزاینکرنا گرافیکی یە ل زانــکــۆیــا(Hacettepe)  كول سالا ٢٠٠٥ێ تمام کریە و پاش کۆچ بۆ ولاتێن ئێکگرتی کریە و بــەردەوامــی دایە خواندنا خۆ د بوارێ هونەرێن سینەمایێ دا ل زانکۆیا ( بوفالو) بەشێ هونەرێن بینینێ /سینەمایێ و دهەمان دەمی ژی دا کار ل سەر دیزاینێن گرافیکی ژی دا ل وی وڵاتی دا كریە. هەروەسا ل سال ٢٠١٠ێ دەرفەتەکا دی یا خوێندنێ بۆ چێدبیت ل خوێندنگەها (بروکس (یا تایبەت ب سینەمایێ ڤە ل ناوچەیێن (سانت باربەرا) ، پشتی تمام کرنا وێ خوێندنگەهێ ژی دهێتە ڤەگوهاستن بۆ کالیفۆرنیا . دوی ماوێ ئەو ل کالیفۆرنیا، دەزگەهێ ریڤۆلا یا کارێن میدیایێ وبەرهەمێن هونەری)یێ تایبەت بخۆڤە ڤەدکەت و دەرهێنانێ بۆ گەلەک ژ ڤیدیو کلیپێن موزیکێ و ریکلامێن بازرگانی و فلمێن تایبەت دکـەت و ل گەل گەلەک هونەرمەندێن ناڤدار کار دکەت وەک بلاک کەیس و سوی چۆت و سکی ڵۆ ) و گەلەکێن دی تر. هەروەسا ل سالا ٢٠١٢ێ وەک باشترین دەرهێنەر و سینارێست ل فیلمە فەستڤالا سانتا باربەرا یا نیڤدەولەتی دهێتە خەلاتکرن.

ل سالا ٢٠١٣ێ ل گەل هولیودێ پشتی رەکەفتنەکێ دگەهنە ئەنجام پێکڤە کارکەن و تا نها ژی بەردەوامن و ئێکەم فیلمێ خۆ یێ درێژ هەر ل وێ سالێ بناڤێ ( ترۆی ئۆدیسا) ل وڵاتێ تایلاند وێنە دکەت و ئەڤ فیلمە ژ لایێ The Asylum Film studios کۆمپانیا هاتە بەرهەمئینان.
نوكە ئەڤ فیلمە ل پلاتفۆرما (نێتفلێکس) بۆ ماوەیەکی یێ بەردەستە ول پلاتفۆرمێ ژی کار کریە وەک دەرهێنەر و سینارێست .باکگراواندێ ژیانا هۆنەری یا (تەکین) ی هاریکاریا وی دکەت د چێکرنا فیلم و هەموو پـرۆژەیـێـن وی یێن هـونـەرێ بینینێ دا و کۆچکرنا وی ژ وەلاتەکی بۆ وەلاتەکێ دیتر و خۆپێگەهاندنا وی تا گۆپیتکێ د قۆناغێن جوداجودا وسەخت دا .د پسیارەکا مە دا بۆ تەکینی:
– ئایا تە ئەڤ قۆناغ هەموو برین و بۆ ماوەیەکی کێم تە ل هۆلیوودێ کارکر، ئـایـا ئاستەنگی
هەبوون یان نە؟ و ژبـــەركـــو د وەختەکی کێم دا تە ل وی جهی کارکر کۆ خوزیا گەلەک سینەماکارایە ل وی جهی کارکەن؟
تەکین وەســا گـــۆت : چێکرنا فیلمان سەرباری کـــــۆ کــــارەکــــی بـــازرگـــانـــی یــە، دشێم بێژم نە گەلەک ب زەحمەت و نە گەلەک ب ساناهی بوو بۆ من، لێ هەموو دەما دەستپێک ب ئاستەنگن، لێ دەما کو کەسەک ب هەموو روحیەت ڤە حەز ژ کارێ خۆ بکەت، دێ وێ ئاستەنگیێ ژی بریت و ژێ خلاس بیت.
گـەلـەک جـــاران غـارێـت مـن بـــوون بۆ پەیداکرنا (باجان) بۆ درۆستکرنا پرۆژەیەکی یــان فیلمەکی و نـە د راوسـتـیـام تـا مـن ب دەستخسبا، ئەڤ تشت سینەماکار دزانـن کا چەند نەخوش و ب زەحمەتە وەک دەستپێک بۆ هەر سینەماکارەکی، لێ دهەمان دا کو تۆ ل جهەکی وەک هۆلیوودێ کار بکەی دى خۆشیا بینی و بێ گومان ئاستەنگی نامینن و دێ وان ئاستەنگیێن بەری نها هەموویان ژبیرکەی.
-بەرێز تەکین بۆ مە پتر بەحسێ کۆمپانیا خۆ ریلۆڤا بکە، تە چاوا د وان کاودانان دا دامەزراند کۆ دەستپێکا تە بوو؟
تەکین وەسا گۆت: ل وی وەختێ من دەست ب خواندنا سینەمایێ کری ل سال من یا دوویێ ل 2011ێ، من ئەو کۆمپانیا دامەزراند و ل دەستپێکێ من دەست ب کلیپکرنا بــــەرهــــەمــــێــــن هــونــەرمــەنــدێــن نـــاڤـــخـــویـــێ کـر و ریــکــلامــێــن بـــازرگـــانـــی بۆ کۆمپانیا. هندەک
کورتە فلم ل وی ســــەردەمــــی من چێکرن. فیلمان و کارێن تـەلـەڤـزیـونـان و ریکلامان وەسا ل من و کۆمپانیا من کربوو کو ب بەردەوامی ب کاركەڤین. و وەک خوێندنگەهەکا سینەمایێ یا گرنگ بوو بۆ من و ئەز فێری گەلەک تشتان بووم ل وێ کۆمپانیێ. هاریکاریا من وەک شارهزایی و پارا کر و گەلەک کارێن دی یێن وێنەگریێ ب بەردەوامی ئەز و کۆمپایا من یا پچویک ب کاربووین و ژبەر ڤێ چەندێ ژی گەلەک جاران ژ هەڤال و دۆست و برادەران دوویر دبووین. ژ بۆشایەکێ نەهاتبوو، هەموو دەما من پلانێن ئێکێ و دووێ وسیێ هەبوون. ئەز چ جاران ناسەکنم، ب بەردەوامی کار بۆ وێ یەکێ دکەم خۆ پێشبێخم، دنڤێسم و ب بەردەوامی دیمەنان دروسـت دکـەم، ئەز دەرهێنەر و و نڤێسەرم و ئەڤە کارێ منە ئەز ل گەل فیلمان دنڤم و ل گەل فیلمان رادبم ژی. هەروەسان ل گەل وان خوارنان ژی دخوم، ئەڤە ئەگەرێ زوو پێشئێخستنا منە. هەموو رۆژا ئەز خەلەتیێن خو راستڤەدکەم، هەموو دەما سەرکەفتن و گهورینێن مەزن سەبارەت ب من د هەیڤا ئۆکتوبەرێ دانە
و ئەو هەیڤا ژ دایک بوونا منە ژی. من پلانێن مەزنتر ژی یێن هەین.

هەلبژارتنا دەرهێنەرێ کورد (تەکین) بۆ خەلاتێ( ئێمی ) بۆ سالا ٢٠٢٢ێ:
خەلاتێ ئێمی ئێک ژ خەلاتێن گرنگن ل سەرانسەری جیهانێ ب ئۆسکارا بەرهەمێن تەلەڤزیونێ ل سەرانسەری جیهانێ دهێتە نیاسین ول ئەمریکا دهێتە گێران .ئەڤ خەلاتە ژ لایێ (ئەکادیمیا هونەرێن تەلەفزیونی ڤە) ل  ئەمریکا و ل لوس ئەنجلوس دهێتە دابــەش کـرن بۆ خەلاتکرنا باشترین پرۆگرامێن تەلەڤزیونی و ئێکەم جار ل سالا 49ێ ئــەڤ خـەلاتـە هاتە دابشکرن و یەکەم خـەلات د مێژوویا ڤی خەلاتی دا بۆ پێشکێشکارێ ئەمریکی و کەسایەتیێ ب ناڤ و دەنگ (شێرلی دینسدیل) هاتە بەخشین. ل سالا1950 دا ئەڤ خەلاتە هاتە بەرفرەهکرن بۆ
پرۆگرامێن تەلەڤزیونا و بۆ ئاستێ ناڤدەولەتی هاتە بلندکرن.  ل سالا 1955ێ بارەگایەکی تایبەت ب ڤی خەلاتی هاتە دروستکرن ل نیویۆرک. هەموو کاروبارێن ب رێڤەبرنا ڤی خەلاتی ل وی بارەگایی دهێنە برێڤە برن وەک بارەگایەکی سەرەکی و ئەكادیمی.

شێوازێ چێکرنا پەیکەرێ خەلاتێ ( ئێمی) :
شێوازێ پەیکەرێ بچووک یێ خەلاتێ ئێمی شێوهیێ ژنەکا ب دوو بالە (چەنگ) و بازنەیەک د هەردوو دەستێن و دایە، یا ژ لایێ ئەندازیارێ تەلەڤزیونی (لویس ماکمانووس) هاتیە چێكرن و ل وی دەمی شێوهیێ هەڤژینا خۆ بکارئینابوو ژ وی دەمی و هتا نها بوویە شێوهیێ پەیکەرێ پچووک .خەلاتێ ئێمی کۆ یێ خەلاتێن تەلەڤزیونیە
ژبۆ زێدەتر پێشکەفتنێن بەرهەمێن تەلەڤزیونی باڵ (چەنگێن) وێ وەک ئیلهامەکا هونەری هاتیە بكارئینان و ئەو بازنەیا ددەستێن وێ ژنێ دا وەک رەمزێ زانینێ یە. هەلبژارتنا ناڤێ خەلاتێ )ئێمی) ب پێشنیارا ( کاسید) ی دامەزرێنەرێ ئەکادیما هونەر و زانینا تەلەڤزیونا بوو. (ئیک) د بنەرەتدا وەک دووربینا وی سەردەمی د کامیراندا دهاتە بکارئینان و دهەمان دەمدا ئێک) وەک پالەوانەک و ئامێرەکی پێشکەفتی د شەراندا دهاتە نیاسین ب تایبەت د جەنگێ جیهانی یێ دووێ دا. د ئەنجام دا هەموو دەستەکا برێڤەبرنێ دگەل ڤی ناڤی هاورادبن و (ئێمی) لێ ددانن وەک ناڤێ ڤی خەلاتی. ســەبــارەت کێشا ڤـی خـەلاتـی، کێشا وی نێزیکی ( )3.08کگم و ژ مادێ (سفری و نیکەلی و زێر و زیڤی ) هاتیە چێکرن، درێژیا وی 39 سم و رووبەرێ بنچینێ وی 19سم ، هندەک جاران ژی کێشا وی دهێتە گهورین تا ( )1.4کگم و دهێتە دروستکرن ژ لایێ کۆمپانیا) وینز). سەبارەت پارێ لێ دهێتە مەزاختن تا سـالا ( )2016ژی هندی پــارێ خەلاتێ) ئۆسکار) بوویە .

دەربـارەی هەلبژارتنا دەرهێنەر (تەکین( وەک ئێک ژ ئەندامێن جــوری بۆ خەلاتێ )ئێمی،) تەكینی وەسا گوت:
خەلاتێ (ئێمی) ژ سێ بەشا پێک دێت: (ئنتەر ناشینال ئێمی) و ( دەی تایم ئێمی) و) پرایم تایم ئێمی) ئەو ل گەرا 64ل بەشێ (دەی تایم ئێمی) هاتبوو هەلبژارتن کۆ ببیتە ئێک ژ ئەندامێن جوری یێن ڤی خەلاتی و هەروەسا ل
گەرا 74ل بەشێ (پرایم تایم) دووبارە هاتە هەلبژارتن وەک ئێک ژ ئەندامێن جوریێ خەلاتێ (ئێمی .(
هەروەسا گۆت: گەلەک شانازیێ پێ دبەم کۆ جـارەک ژ جـاران ئەندامێ هەلسەنگاندنا بەرهەمێن تەلەڤزیونان بووم و کێبرکیا وان ل سەر بدەسخستنا وان بۆ ڤی خەلاتێ گرنگ و ل ناڤەندەکا نێڤدەولەت وەک هۆلیوودێ.
ئەز بۆ هەموو گەنجان دبێژم ئەوێن کارێ سینەمایێ دکەن هەموو دەما کار و خەباتێ بکەن بو بدەستڤە ئینانا خەونێن خۆ و چ تشت مستەحیل نینن ئەگەر ژ دل کار و خەباتێ بۆ بکەین. چیرۆکا من ژی نها وەک دەرهێنەرەک و نڤێسەرەک ژ وی گوندێ پچوک یێ رۆژهەلاتا وەلاتێ ترکیایێ گوندێ (ئگری) دەستپێدکەت و
نها ل ناڤەندەکا سینەمایێ یا ناڤدەولەتی یا گرنگ وەک دەرهێنەر و نڤێسەر کاردکەم.

بەرهەمێن وی وەک دەرهێنەر تێدا کار کری:
It is Just Nigtmare
کورتە فیلم 2011
Your Place or Mime
کورتە فیلم 2012
Here is Johnny
کورتە فیلم 2013
Myweather Experience Documentary
دکۆمێنت فیلم 2013
The Dark Power Documentary
دکۆمێنت فیلم 2013
Here is Johnny Web Series
دراما تەلەڤزیونی کۆ ژ پێنچ زنجیرا پێک
دهێت 2014
Peaceful Oblivion
کورتە فیلم 2014
The Incision
کورتە فیلم 2014
2017 God Wars
2017 Troy : The Odyssey
Muzo
فیلمێ تەلەڤزیونی 2018
Cheating Death
دراما تەلەڤزیونی 2019
2022 Kelebegin cocuklari