نامەیەک بۆ زینێ
![](https://i0.wp.com/badinan.org/wp-content/uploads/2023/04/330793519_1478211132706426_4519297497500665317_n.jpg?resize=780%2C470&ssl=1)
شڤان شکری ھرۆری
ئـاڤـا دیجلــەی
ب ھەمـی دلـۆپێن خوەڤە
…… یا بوویە مــەی
یا سەرخوەشبی یا فیریای
یازکری دکت یا دبێژت حەی،
دندکێن خیزێ چـەما
قــرش و قــالا بێ
ڕاوەستیان د گەل خوە د بەی
یا ژ تەڤە ل مەیدانکا بۆتان
فرۆشیار و خریدار
د مشەنە و بازاڕێ
ھــەر متــایەکی یێ ھەی،
دیجلەی نامەیەکا ڤێ
ل بەرە ل کنـارەکی
بێھن ڤەدەت و ب گەھیت مەمــــێ .
تاقێن قەسرا میــری
ھـەمی د سەرمـەستن
خوھەکا ڤێـدا دئێت
… لێ نەمایە خولک
ھــەڤڕانە د گەل
بەرێـن بورجا بـەلـەک
لبنێـن مەدرەسا سۆر
خودان حەز و ھەستـن
یادگـار ھێــژ
یا ل بیرێ دھێت
لێ نە قولپینە
بەخت و فـەلـەک ،
گـەر قەلپیچ و ئێسیلەیێن
مــیرگەھـێ کۆمکیــن
… بکین گزرە و شکەلەک
ل سەر زکـێ بـەکـۆی
نیرە و گاریتەیێن کـاڤــلا
د دیجلـەیدا بکین کەفی
… بکین قایک و کـەلـەک
داڤەگریت نامەیا مەمۆی
گەر ئەم بکین ڤێ ھـەمێ
یــا ژ مـــەڤــە دێ زینێ
قورتالکین ژ ڤێ خەمێ .
تــەنا بنڤـە زینێ
چـاڤێن خوە
ژ خەوا شرین ڤەنەکە
مە یا شەقاندی شۆپا ڤینێ
یــا ژ مـەڤـە
ئەڤ ڕێبازە تڕانەو حەنەکە
نــە ڕابـەڤـە
گولی سۆرێ ڤـردا نەھێی
گازییا مـەمـێ
بۆ ئەڤیندارێن
نوکە بھانەکە
مــەنـەبینــە
ب ڤی کراسی و
مە ناسنەکە
میرگەھا مە یا بەرفرەھبی
…… چـەنـد ڕەنـــدەکــە
کۆلانێن مە ھەمـــی
ئێخلــەو ناوســکن
پــڕی خـەنــدەکە
ھـەر ئێسیلەکا وێ
زێرەڤانەکێ لێ بەکرۆکەکە
ب نک مەمۆیڤــە
وێدا ھـەڕە خوە شاش نەکە
داخوازا من نەزڤرینــە
ڤێ تراجیدیایێ دووبارە نەکە
گۆمـا ئەڤینێ شلقا ڤەددەت
دەستا ژێکڤە دکەت
ناھێلیت مراز
بگەھیت مەمێ