ئەدەب
خوزییه‌ك بێ داوی
گولشه‌نگ
ئه‌ز یا ب تنێ مه
په‌قیشكێن رۆژێ
یێ یاریا ل گه‌ل من دكه‌ن و
گزنگ دلدارن
پێلێن تاڤێ
نه‌په‌نیێن من كرنه په‌یڤ
و هه‌می قۆلاچێن من تۆ لێ دپه‌چنی
كرنه ساهی
تۆ… زیقترین بیرهاتنا منی
ب كزیا چاڤه‌رێبوونێ ڤه
و خنێكێن من ب شه‌ڕ دئێخی
د ئازریانا خه‌ریبیێ دا
من و ده‌می ل هه‌ڤ دكه‌یه دۆژمن
ئه‌ز
خودانا هیڤیێن بێ واتا مه
خوه‌زیێن من ب په‌ڕن
و بۆ رووناهیێ دكه‌ڤنه لڤینێ و
ل سه‌ر دێمێ رۆژێ دادده‌ن
ل هه‌بوونا ته دنێڕن
و ب دزی ڤه… گازی ته دكه‌ن
به‌لكی ل بیر ب كه‌ی كو ژیان خوه‌دیكا عه‌شقێیه
ب هه‌مبێزێ ده‌ست پێ دكه‌ت و ب هه‌ڤ دلیێ دبیته
چرا
