خوەهەلسەنگاندن*

سەلام باڵایی

مروڤ و خۆەدیێ مروڤی بابەتەک گرنگ و هەستیارە، گەلەک دید و بۆچوون ل سەر ڤی بابەتی هەنە.
هند دبێژن یا ب زەحمەتە مروڤ پەسنا خۆ بکەت یان خۆ ب هەلسەنگینیت. چونکە مروڤ وەک خۆە هزر دکەت نەک وەک خەلکەک دی.
بەلێ گروپەک دی هەیە دبێژیت: نەخێر مروڤ دشێت خۆ ب هەلسەنگینیت و وێ پێشکەفتنا دمروڤیدا پەیدا دبیت بکەته‌ میناک بو گەلەک خالێن گرێدای مروڤی.
زانایێن دەروناس چەند خال داینە دیارکرن ژبو هەلسەنگاندنا مروڤی.
١-رێکا وەراربوونا خۆەدیێ مروڤی و دوپاتکرنا کریارێن باش یێن مروڤ ئەنجام ددەت و ل سەر شاشیێن خۆ راوەستیت و وان ژی بەرەف ئاراستەک باشتر ببەت.
٢-هاریکاریا کەسێن دی بکەت، چونکە هەستکرن ب شیانان نویاتیەک ل دەف مروڤی پەیدا دبیت ئەوژی رێزگرتنا خۆەدیێ خۆیە.
نموونە مروڤ دشێت وانێن تایبەت بدەت قوتابیان و زاروکان و بەرەف ئاراستەک باش پەروەردەبکەت.
٣-خواندن ب تایبەت خۆاندنا پەرتۆوک و کوڤاران و خۆاندنا پەرتۆکێن گرێدای خۆارنێ کا دێ چاوان خۆارنەک تەندروست خۆی داکو هەردەم لەشێ مروڤی یێ ساخلەم بیت.
ئەڤەو گەلەک خالێن دی هەنە کو مروڤ هەست ب باشیێ بکەت دخۆەدیێ خۆدا.
نموونەكا دی، دەما مروڤ کارەک باش ئەنجام ددەت یان سەرکەفتنەکێ ب دەستڤه‌ دئینیت یان هاریکاریا کەسەک دی دکەت دهەر وارەکیدا، مروڤ هەست ب ئارامی و خۆشیێ دکەت، ئەڤەژی خالەک گرنگە ژبو هەلسەنگاندنا خۆەدیێ خۆ.
لێبورین و دانوستاندن بۆ هەر ئاریشەکێ چ یا کەسی چ یا جڤاکی بیت، رێکێ بو باشیێ ڤەدکەت و یێ بەرامبەر رێزێ ل مروڤی دگریت یان شەرم ژخۆ دکەت، ئەڤەژی هەلسەنگاندنا خۆەدیێ خۆیە.
وەرزشکرنا روژانە ب رێکێن دروست و ل ژێر راهێنەریا کەسێن شارەزا د وەرزشێ دا، ب تایبەت وەرزشا لەشی.
ئەڤەژی یەک ژوان رێکانە یێن مروڤ خۆە پێ ب هەلسەنگینیت.
نها ئەڤ بابەتە کەفتیە د ناڤا ناڤەندێن خۆاندنێ و دام و دەزگەهێن راگەهاندنێ و سازیێن جودا دا. جودا ژبۆ خۆە هەلسەنگاندنێ چ ئەڤ هەلسەنگاندنە یا روژانە بیت یان یا مەهانە بیت.
ئەز دگەل هندێ مە کو بەلێ مروڤ دکاریت خۆ ب هەلسەنگینیت!
نموونە: دەما مروڤ کارەک باش ئەنجام ددەت وێ گاڤێ مروڤ هەست ب ئارامی و خۆشیەکێ دکەت. یان مروڤ هەست ب کوباریەکێ دکەت کو بەلێ ددەم و وەختێ خۆدا ئەڤ کارە هات ئەنجامدان ود ڤێ دەلیڤێدا تۆ دێ شانازیێ بخۆ و ب شیانێن خۆ بەی.
دهەمان دەمدا ئەگەر تۆ ب کارەکی هاتی راسپاردن ژبۆ دەمەک دیارکری کو تۆ وی کاری ب داوی بینی و تۆ نەشیایی دوی دەمیدا ب داوی بینی، یان تۆ نەئامادەی وی کاری ئەنجام بدەی یان تە نەڤیا دوی دەمیدا، تۆ دێ هەست ب کێماتیێ کەی و دێ یێ دوودل بی و ئەڤەژی رێکەکە ژبو خۆ هەلسەنگاندنێ بەس بۆ لایێ نەرێنی یێ مروڤی.
دەما تۆ پێشکێشی کارەکی دکەی بۆ هەر جهی، داخۆازا CV یێ مروڤی دکەن. ئەو cv خۆە هەلسەنگاندنە.
دەما ل خاندنگەهان رێڤەبەر داخازا دروستکرنا نمرێن خۆندکارا دکەن و هەر شاشیەکێ سزا بۆ ماموستای هەبیت، ئەوژی یەک ژ رێکێن خۆە هەلسەنگاندنێ یە.
تاکو دناڤا خێزانێدا مروڤ دکاریت خۆە ب هەلسەنگینیت، گەلەک جاران دەما دناڤا خێزانێدا هند داخۆازی ژ مروڤی دهێن کرن و مروڤ وان کاران ئەدا نەکەت، مروڤ یێ نەئارامە دەما ڤەدگەری مال، د وێ چرکێدا مروڤ هەست ب کێماتیێ دکەت یان دێ پەنایێ بو هێجەتەکێ یان درەوەکێ به‌ت داکو خىزانێ قایل بکەت، بەلێ هەر مروڤێ نەرەحەتە ئەڤەژی یەک ژ لایه‌نێن خۆە هەلسەنگاندنێ یە بەس لایێ نەرێنی.
نمرێن خۆندکاران یێن ماموستا ددەتێ یەک ژ رێکێن هەلسەنگاندنێنە، چ ماموستا خۆندکاری ب هەلسەنگینیت، چ خۆندکار ب تاقیکرنان خۆە هەلبسەنگینیت و دزانیت دێ چەند نمران بەت بەری ماموستا وەرەقا وی بدەت ڤێ.
ئەڤە یەک ژخۆ هەلسەنگاندنا خۆندکارا بخۆیە بێی ماموستا.
ل داویێ دخۆازم بێژم هەر کارەکێ جوان و باش مروڤ بکەت و هەست ب ئارامیێ بکەت خۆ هەلسەنگاندنە.
بەروڤاژی وێ ژی هەر کارەکێ خراب بکەی و خەلکەک پێ بێتە ئێشاندن یان تۆ بخۆ نەرەحەت بی، ئه‌و ژی خۆە هەلسەنگاندنە.
چاوان تۆ یێ بەرامبەر خۆ دهەلسەنگینی وەها مروڤ دکاریت خۆە ژی ب هەلسەنگینیت.
باوەری بخۆەبوون باشترین هەلسەنگاندنە مروڤ بخۆە بکەت.
گەهشتنا خەونان یەک ژ خۆ هەلسەنگاندنێ یە و گەلەک خالێن دی.

*ل سالا ٢٠١٨ من ل سەر خۆە هەلسەنگاندنێ خواندبوو یا نڤیسەر سابرین سەعو و من حەز ژ ڤی بابەتی کر، لەورا من ئەڤ بابەتە نڤیسا، پڕانیا بۆچوونان یێن منن ب تنێ من مفا ژ هند خالێن گوتارا ناڤبری وەرگرتیە.