شتلێن دەیكا من ئاڤ بدە
![](https://i0.wp.com/badinan.org/wp-content/uploads/2023/04/ئهنمار-سهلاح.jpg?resize=780%2C470&ssl=1)
ئەنمار سەلاح
ئێڤارەكا درەنگە
تەمام ماندی و بێزارم
هێڕ و گێژم
سەرێ من تژی و…
سینگێ من ڤالایە
دو ڕۆژە ژ جهـ نەلڤیم
من های ژ دەوروبەران نینە
دەنگێ بالندەیێن خوە نابهیزم
دبێدەنگن، دبرسینە…
لڤینەكێ بكە
بۆ ئالێ مالا مە وەرە
ل دەرگەهی بدە و بسەكنە
د ئەوێ چاڤەڕێبوونێدا
شتلێن دایكا من ئاڤ بدە
دارێن جادەیێ ژی
باران ناهێت
ل پەنجەرەیا من بنێرە
چاڤێن خوە یێن زەیتوونی بێخە جامێ
ژێ خەریبم…
بێدەنگ، بێدەنگ…
كەس ل مال نینە
چ تشت تە ناترسینن و…
پاشڤە نابەن
دەری پالدە
هندەك تۆمكی و خوارنێ بهاڤێژە حەوشێ
بالندەیێن من د ناڤ تارییێدا خۆشتر دخوینن
گەر ل دەرێ ژوورا من بدەی
ناخوازم ڤەكەم
من ببینی
ب ئۆمێدەكا قەدەر زاگرۆسی دخوازم تە ببینم
ب دەنگەك بلند گازی من بكە
ژێ خەریبم..
دخوازم ل بەر دەنگێ تە، دەنگێ وان بنڤم
ب وێ تونا ئەز فێربوویمێ
ناڤێ من بینە
خەوا من بینە
خەوا من ناهێت
ژ كێمخەوی و شەڤێن هشیار ماندی بووم
گەر ل دەرێ ژوورا من بدەی
دێ بەرسڤ دەم و بێژم
دێ ل نك من نڤی؟
بەلێ قەت دەری ڤەناكەم!