عه شقه‌كا شه‌مبۆز
عه‌لى به‌ندى
ئه ز نزانم
من و شه‌ڤێ هنده خێره
ل ئێك تشقلین.. ژهناڤێن ڤێ عه‌شقا
شه‌مبۆز بووینه عاشق
حه‌ز ژ هه‌ڤدوو دكه‌ین
دره‌نگی شه‌ڤێن بێ شه‌رمیيێ دا
ب ماچێن سه‌رپێ و نیسه‌ك
مێشك دهێته مه شه‌مبۆز دبین
ل شه‌ڤگه‌ڕیانێن من یێن سته‌ور
ل به‌ر وی سینگێ من ئالیستی و شوینتبلێن من لێ بووین نیشان پیڤازی بووین
ل كنارێن كێله‌كێن ته
د شه‌ڤێن یاخی وشوپاندی دا ڕكگرتیمه و ئارۆنكێن من ژ مه‌ستیانێ هاویش نابن
ل به ر تێهنا عه‌شقه‌كا كه‌فدای فڕاكه بووین
د خه‌ونێن من دا بۆ حه‌زكرنێن
شه ڤێن درەنگ بووین كابویسه‌ك
خۆ ب ده‌همه‌نێن سحاریيه‌كا له‌خرینیڤه دهه‌لاويسیت
د میحرابا عه‌شقا مه یا ئه‌زه‌لی دا
د ناڤ ئاڤڕویێن ده‌همه‌ن و كۆشێن
گه‌مراندی ل په‌رستگه‌ها عاشقان دا دخلوێ چووین
ئه‌ڤ په‌قيشكێن ل سه‌ر سیڤاندا ئه‌ڤان
لێڤا شلقا ڤەدده‌ن عه‌شق ژێ دڕژیت
ژخۆشيیێن خۆ بێ منه‌ت دبن
د ناڤ باخچه‌يێ سه‌ندیكا ئه‌ڤینداران
وه‌ك شه‌یدایه‌ك
ژ سه‌قه‌ما عه‌شقا فیریای
د بێده‌نگیيێ دا
د ناڤ حه‌ودا حه‌زێن من یێن بشكفتی دا
مرچه‌مرچا ماچێن مه یه
ڤین ژێ دباریت
ل ده‌رازینكا په‌رستگه‌ها
عه شقا ب زه‌نگل دگه‌ل ده‌روێشان
دحال دچین.. قۆچانێ دكه‌ین
ل وێ پرێزا بۆ ئومێدێن من
بووینه سوجده
بووینه ته‌واف
كێلانێ دكه‌ین
هزرێن مه هلمه‌با دبن
بژاڵه دبن شه‌پرزه دبن
ب شه‌په‌شۆڕی وه‌ك
عاشقه‌ك یێ ده‌ستویردای
ب شاهد و مه‌زبه‌ت
بێ پاسه‌پۆرت سنورداش دبن
خۆ هلباسكی له‌شێ ڤل دكه‌ت
ل ڤێ وێستگه‌هێ خه‌ون و ژیان
خه‌پاره دبن.. مشتی حه‌ز دبن
كریارێن مه یێن گوهنێليیێ
هه‌ڤالجێمكن
قباحه‌تن
ل شه‌ڤێن حێچ دا
ب جساره‌تن
ته ڤلیهه‌ڤ دبن
28 / 6 /2023
