پشکدارییا (ناڤەندا بادینان) د خولەکا راگەهاندنێ دا ل چینێ

ئاماده‌كرنا: دلێر زوهێر

گەشتەکا رۆژنامەڤانی ل وەلاتێ چینێ ژلایێ رێکخراوا (NRTA) ھاتە رێکخستن و ژ چەندین وەلاتان راگەھاندکار ھاتنە داخوازکرن، بۆ ھندێ رەوشا راگەھاندنێ و رەوشا وەلاتێ چینێ ب سروشتی بھێتە دیتن.

ئەز وەک (دلێر زھێر) ژ ناڤەندا بادینان بەشداربووم د ڤێ خولێ دا، ئەڤ خولە ل ژێر ناڤ و نیشانێن  (برێڤەبرنا تەکنیکێن پێشکەڤتیێن پەخش و تەلەڤزیونێ بۆ وەلاتێن تازەپێگەھشتی) بوو کو ژلایێ رێکخراوا    (NRTA) ڤە (National Radio and Television Administration)  ھاتبوو رێکخستن.
ئەڤ خولە ژ ١٤ رۆژان پێک دھات کو تێدا ٢٦ کەس ژ وەلاتێن جودا جودا بەشدار بوون، بۆ نموونە (عیراق، کۆبا، ئەفغانستان، ئۆزباکستان، نایجیریا …ھتد)، ھەمی رۆژێن خولێ ب وانەیێن رۆژانە و گەشتکرنان پێک دھاتن، ئەڤ خولە بۆ وەلاتێ چینێ و پایتەختێ وێ بیژینێ بوو.

وانەیێن دھاتنە گۆتن، دەست پێ دکرن ل سەر بەرچاڤکرنا وەلاتێ چینێ، وەک ئاشنابوونەک بۆ مە و زانیاری وەرگرتن ل سەر وی وەلاتی، بۆ نموونە، زانیاری ل سەر مێژوویا چینێ، ھەروەسا بەرچاڤکرنا چیا و رووبارێن ب ناڤ و دەنگ ل وی وەلاتی، ھەروەسا ھەبوونا خوارنێن جیاوازێن چینی و شێوازێ ژیانکرنا خەلکێ چینێ و وەلات ب چ تشتەکی جیاوازە دگەل وەلاتێن دی.

ھەر د وانەیان دا، وانەیێن گرێدای ب راگەھاندنێ دھاتنە بەحس کرن، بۆ نموونە، وەلاتێ چینێ ژ لایێ راگەھاندنێ ڤە چ دکەت و گەھشتیە چ ئاست، ھەروەسا چەند کەنال و رادیۆ ل ڤی وەلاتی ھەنە و چاوا راگەھاندنا خۆ برێڤە دبەن، ئەو بابەتێن سمینار ل سەر دھاتنە گۆتن ئەڤە بوون (گەشەکرنا رادیۆ و تەلەڤزیۆنان بۆ  5G، رۆژنامەگەری ل ژێر پەیوەندیێن گەشەپێدانا جیھانی، چاوانیا گرتنا وێنەیان و ڤیدیۆیان ب باشترین شێوە، لۆژیکێن میدیایێ و ئێکخستنا وێ…ھتد.

(ھەر د گەشتا خۆ دا بۆ وەلاتێ چینێ، بۆ ماوێ چوار رۆژان مە سەرەدانا

بۆ ماوێ ١٤ رۆژان خۆلەکا راگەھاندنێ ل وەلاتێ چینێ برێڤەچوو دلێر زھێر: چین وەلاتەکێ خودان دلەکێ مەزنن.

 باژێرەکێ دی یێ وی وەلاتی ب ناڤێ (چاندوو) کر، د ڤی باژێری دا مە چەندین سەرەدان کرن، بۆ نموونە، ئەم بەرەڤ گوندەکی چووین ب ناڤێ (Zhanqi) کو ل ڤی گوندی چەندین جھێن سەرنج راکێش یێن جۆتیاری ھەبوون، ھەروەسا سەرەدانەک بۆ کەنالێ (سچوان تیڤی) یێ چینی، ئەم ژ نێزیک ئاشنای ستودیۆ و ئامیرێن وان یێن راگەھاندنێ بووین، ھەروەسان دیتنا ژوورا ھەوالان و کارکرنا وان ل سەر بیاڤێن راگەھاندنێ، ھەر ل سەر سچوان مە سەرەدانا جھێ وان یێ رۆژانە کارکرن د سۆشال میدیایێ دا کر، و ژ نێزیک ئاگەھداری بزاڤێن وان بووین بۆ ھندێ چاوا سوشیالا خۆ ب کار دئینن، ھەروەسا مە سەرەدانا مۆزەخانەیا گشتی کر کو تێدا چەندین تشتێن سەرنج راکێش و کەڤنار دھاتنە دیتن کو مێژوویا وان بۆ گەلەک ژ مێژە ڤەدگەڕیت، ھەر ل باژێرێ چاندوو مە سەرەدانا کولیژا تایبەت ب میدیایێ کر،

کو تێدا پتر ژ ٦٠ ستۆدیۆیێن میدیایێ ھەبوون و ھەر ئێک ب شێوەکی ھاتبوو دروست کرن، تێدا ئەم شیاین چەندین وان کارێن میدیایی ببینین یێن کو ژ لایێ مامۆستا و خویندکاران ڤە ھاتینە دروست کرن، ھەر د ناڤا زانکۆیێ دا مە سەرەدانا مۆزەخانەیا وان کر، کو تێدا ھەمی جۆرێن تەلەڤزیۆن و کامیرە و رادیۆ و تەلەفۆن و ھەتا دووماھیێ ھەبوون، ب شێوەیەکێ رێکخستی و پاراستی ھاتبوونە دانان.

ھەر ل وەلاتێ چینێ مە سەرەدانا دیوارێ چینێ یێ مەزن کر کو ب راستی جھەکێ بالکێش بوو، خەلکەکێ زۆر ب مەرەما گەشتکرن و دیتنا وی دیواری سەرەدانا وێرێ دکر، ئەڤ دیوارە نێزیکی ٢١ ھزار کیلۆمەتران یێ درێژە، سەرەرای چوونا ناڤ بازاڕ و مۆلان و دەرکەڤتن ل چەندین جھێن جودا جودا.

ل دووماھیا خولێ ژی ژ مە ھاتە داخوازکرن کو ڤیدیۆیەکێ وەک ڤیدیۆیا دەرچوونێ دروست بکەین و ئەم ب خۆ ل ناڤا چینێ بابەتەکی ھەلبژێرین و کار ل سەر بکەین، مە وەک کەسێن ژ کوردستانێ بابەتێ خوارنێ ھەلبژارت، مە راپۆرتەک دەربارەی رازیبوونا خەلکێ بیانی ژ خورانێن چینی و دیسا رازیبوونا خەلکێ چینێ ب خورانێن بیانی دروست کر، د ڤێ راپۆرتێ دا ئەم شیاین برێڤەبەرێن خۆلێ ب شێوەیەکێ گەلەک باش ژ خۆ رازی بکەین.

چین وەلاتەکێ مەزن و خودان دلەکێ مەزنە، مە وەک بەشداریکرن، مفایەکێ مەزن ژ تەکنیکێن وان یێن بریڤەبەرنا راگەھاندنێ وەرگرت، ھەروەسا ئەم ئاشنا بووین ب شێوازێ ژیانکرنا وەلاتیێن چینێ، ھەروەسا دیتنا چەندین جھان کو دبیت بۆ جارا ئێکێ یە ئەم ببینین، گەلەک دلخۆشبووم من چین ژ نێزیکڤە دیتی، بۆ من دیاربوو کو سەرەدانکرنا وەلاتان وەرگرتنا چەندین زانیاریێن دییە، وەلاتێ چینێ وەلاتەکە ئێمناھییەکا مەزن لێ ھەیە، ژ لایێ تەکنۆلۆجیای ڤە بەردەوام د پێشکەڤتنێ دایە، وەلاتەکە ژ لایێ رێگا و بانان ڤە گەلەک یێ پاقژە، فێلکرن ل ئێک و دوو نینە، ھاریکار و دل مەزنن.