ئەو قێڕيیا ژ خیڤەتگەها بێدەنگییێ رەڤی

دلدار محەمەد 

هەکو تۆ چوویی من چ نەبوو 

تۆ هاتی ژی من چ نینە !

بوچی تە هاتن و هەبونێن خۆ کرنە باهۆز ؟!

بوچی تە ئامادەبوونا خۆ 

د ئاشێ نەمانێ دا هێرا 

دگەل هەڤکێشەیا چنەیێ دا یەکسان کر !

چ ل ڤێ هەبوونا ژەنگار  بکەم ؟

چ عەتار ژی دگەل قافوقوران 

ژ دەیکا من ناکڕن!

چ بکەم ؟ 

دەمژمێر یا خۆلەکان دخۆت !

پێلاڤ ژ سەر رەفاتکا دفڕن و داددەنە سەر کورسیان !

ژدل داخازا لێبورینێ ژ گولان دکەم

 کۆ باخچەی جهێ وان ب دزی ڤه دایە ستریا 

ژ دل داخازا لێبورینێ ژ هەلبەستێ دکەم 

ئەڤێ هەمی کرێتیێ خۆ ب سەر بەژنا جوانییێ دا دادا و کەلەخێن هەناسێن وێ رێزکرن  

بوچی قێریێن دەپێ شانویێ نەگەهشتن هەکو دکەلەگریێ دا دخریقێن چووی؟

هەر نامەیه‌کا بۆ تە دنڤیسم

 ئیمزایا من د روندکان دا د خەندقیت 

بۆچی سپێدە ل بەرپێن مژێ ل کرنۆشێ دا نقوم دبیت 

مخابنی لسەر سیڤاندێن بێدەنگییا من دبن تلوڤە؟

وەرە سەرهلدانا بۆچیان 

بەرەڤ دەرازینکەکا ب تیرۆژک بدە رێ 

بەری ڤولکانا بێدەنگیێ 

درندەیا تە ئەوا د هەمبێزا هەدارا من دا مەزن بووی ب سۆژیت