هەلز عەلی سەلیم
ئەلمانیا
خۆلیا جگارا تە ل سەر پەرجانا
ناڤەڕاستا حەزا دلێ من
چ راستییان…
ل من ناڤەشێریت
چ زەنگلان…
ل بەندا سەقایێ ئاڤابووی…
نالەیزینیت
ب تنێ خۆليیەکە…
ئاوارە دبیت
و بەندەوارا پائیزی
ژ ترسا خۆ دا…
دئازرینیت
و پەیڤان دخەملینیت
وەکی وێ پیاسا
چەند مەهەکان ل سەر پشتا
عشقەکا تاری هاتیە ئاڤاکرن
و شۆڕەشەکا بهاری
ل سەر مێشکێن نە رازی کری
هاتیە کرن
د گۆڕەپانا ساهییەکا شێلیکری دا…
ئاکنجی کری
بیر بکە…
جگارە ب دووماهیک دهێت
قومێک دسوژیت و…
دویر دبیت
ب تنێ خۆلی جادا…
پیس دکەت
و باڕۆڤە دهێت تژی تۆز دکەت
و باران دبیتە خودان
رادهێلیتێ و رادمالیت
لێ ترسا نەبوونێ ژ هەبوونێ
پەیڤان ئالۆز دکەت
گلەیان دئافرینیت
سەمایێ بۆ چ ئاهه‌نگگێران ناکەتە ژیوار
ژ هەمییان هەبوون مەترسی دبیت
بۆ ئالگوڕییا جڤاکەکێ بێ وژدان
و مێشکێن ژ کەڤندا
خاتر ژ خوداوەندی خواستی
لەوا هەردەم دبێژیت:
پەیڤ ژ رۆندکان سلە
تا جگارە ل دنیایێ نەمینن
