“رێک بۆ مە هات هەلبژارتن”

فه‌رسه‌ت عبدالرحمن

دەیکا وی ب تورەیی ڤە گوتێ “هلو نیڤرویە”

دا بترس ژ خەو رابیت بەری دەیکا وی پتر تورە ببیت و کارڤەدانێن خرابتر هەبن.

ئه‌و دا تێشتەکا بلەز خوت و کەرێ وی یێ ل هیڤیێ دا بەرەف کابویسی ڤە چیت ئەوێ پێدڤی بوو روژێ سێ جارا تێدا بوری بان، جارەکێ سپێدێ  پشتی تێشتێ و جارەکێ پشتی فراڤینێ و جارەکێ ژی بەری مەغرەب. ب درێژیا رێکێ هزر دکر کانێ چاوان ژ وی کابویسی رزگار ببیت بیێ کو ئەو و کەرێ وی بکەڤن و ل بنێ چیای بدوماهیک بهێن.

گەلەک جارا بۆ دەمەکێ کورت هندەک پسیار دسەرێ مەدا پەیدا دبن، لێ ب شێوەیەکێ گشتی ئەم وەک کومەلگەهـ هزر ناکەین ژدەرڤەی وێ ئاراسته‌یا بۆ مە هاتیه ‌دانان و وێ سەبەتکا بۆ مە هاتیه‌ هەلبژارتن.

هوسان نڤێسەرێ یەمەنی محمد مصطفی العمرانی د پەرتوکا خۆ دا یا ب ناڤێ “نحن و الحمیر في المنعطف الخطیر” بەحسێ ئازارێت گوندێ خۆ دکەت دگەل وێ رێکا گوندی یا ب کانیا وان یا ئاڤێ ڤەخارنێ ڤە گرێددەت، کو رێکەکا چیایی و چەپەک یا هەی ل هنداڤی گەلیەکێ کویر و گەلەک ب مەترسی و بوویە ئەگەرێ مرنا چەندین زارۆکا  ژ ئەگەرێ کەفتنا وان و کەرێت وان  ل دەمێ ل وێ چەپێ دەرباس دبوون. نڤیسەرێ ڤێ پەرتووکێ دبێژیت پشتی چەندین سالا ریهـسپی یێن گوندی ل مالا ئێکی ژوانا روینشتن ل سەر مەترسیا وێ چەپا د رێکێ دا دئاخفتن ژبۆ دیتنا چارەسەریەکێ، ل دەمێ پسیار ژوانا هاتی کرن ژ لایێ نڤێسەری ڤە ئەوێ گەلەک جارا ژ مەترسیا کەفتنێ قورتال بووی دگەل کەرێ خو ل چەپا مرنێ:- “بۆچی رێکەکا دی یا ئارامتر نا هەلبژێرن بۆ چوونا سەر کانیێ؟” لێ بەرسڤەکا نەچاڤەرێکری دایێ و گوت “ئەم ددویف کەرا را دچین و ئەو ڤێ رێکێ دهەلبژێرن!” و پسیارەکێ خو دسەرێ وی دا ئازراند ئەو ژی ئه‌ڤه‌ بوو: “ئەرێ راستە ئەم ددویف کەرا را دچین؟!”

گەلەک جارا بۆ دەمەکێ کورت هندەک پسیار دسەرێ مەدا پەیدا دبن لێ ب شێوەیەکێ گشتی ئەم وەک کومەلگەهـ هزر ناکەین ژدەرڤەی وێ ئاراسته‌یا بۆ مە هاتیه ‌دانان و وێ سەبەتکا بۆ مە هاتیه‌ هەلبژارتن.

سەبەتکا مە یا ل سەر رەفاتکەکا بلند و دەم بو دەمی پارچەکا کاغەزێ دێ هاڤێژن تێدا و بابەتەکێ چەند روژی ل سەر نڤێسیە، ئەڤجا چ مووچە بن یان گرێبەست بن یان هەلبژارتن بن یان ژی تاوانبارکرنا بێ تاوانەکی بیت و ئەم دێ ڤی بابەتی بۆ روژهەلات و روژئاڤای ڤە شلقینین و هەر ئێک دێ ژلایەکی ڤە راکێشیت حەتا ناڤەروکا پارچا دی یا کاغەزێ دبینین و بابەتێ نوی د سەبەتکێ دا، لەوما نە ئەمین بوخۆ بابەتا د هەلبژێرین لێ ئەوێ پارچێت کاغەزێ دهاڤێژیتە د وێ سەبەتکێ دا هەر ئەو جامێرە و رێکێ ژی هەر ئەو دهەلبژێریت، هزرا داگیردکەن هەمی تشتی پرت و بەلاڤە دکەن و حەزێن تە یێن سەرەکی دئیننە بنێ لیستێ.

هندەک دەنگێن د گەوریێ را ماین دێ تە ئاگەهـ کەن و بهندەک ژ وان پارچە کاغەزا ب سیناریویێن بێ بها دێ خۆ بینی ب گومان دناڤ کومەلگەهی دا و بەرامبەر خودانێ دەنگی.

دێ پێ ل برینێن تە کەن و ب سزادان دێ بەرزەبی هەر وەکی یاریەکا ژ داری چێکری ل سەر دەریایەکا پێل دژوار کو هندەک جارا پێل تە ل ناڤ بەندێن خو دا بەرزە بکەن و هندەک جارا ژی تە دویر بهاڤێژن، حەتاکو رێکەکێ ژدووان ب هەلبژێری، یان ببیە داردەست و دخوشیان دا نقوم ببی یان ژی ببیە هەڤڕک ل ناڤ دیوارێن کونکریت و پشت شیشکێن پیلای بمینی و ببیە بنەمایەکێ هزری و دەرونی ژبۆ هەرفاندن و ژنافبرنا وان دەزگەهان.

دەمێ ئەو دبیتە سەرکردە دێ بینی چاوان کرێتی دێ بیتە پیڤەرێ جوانیێ و دێ بینی چاوان مروڤ هەولێن رازیکرنا گارانێ ددەن و باشی دێ بەرزەبن ل بن کراسێن خرابیێ و بێ هەتکی دێ بەلاڤ بیت ب ناڤێ.

کی دێ وان هزرا هەلگریت و ببنە بنەما بو کێ؟ ما چیە ئەگەر ئەو بۆ سەرکردە؟

گەلەک ب ئاسانی دەمێ ئەو ببیت سەرکردە دێ بینی دبەرژەوەندیا وی دایە گێلاتی و نەزانین بەلاڤ ببیت،  مشەختبوونا هزرا دێ گەهیت گوپیتکێ، پتریا بەرپرسان دێ ژ وی گروپی بن و دێ گەهیت وی رادەی کو ببینیت هەسپێ رەسەن ل بەرامبەری وی یاریەکە و ئەو سەرکردەیە، هەروەکی مللەتەک زانایێن وان خۆ رادەستی نەزانان دکەن و خرابێن وان وێرەک دبن بەرامبەر باشان و سەرکەفتی ژی دەستا بۆ سەرکردەی بقوتن.

دەمێ ئەو دبیتە سەرکردە، هەبوونا مێشکی دبیتە تاوانباری و سزایێ ب کارئینانا وی سێدارە یە، هەر ئێکێ هەول بدەت مێشکێ خۆ ب کاربینیت پێدڤیە نەمینیت ل بەر چاڤا، چنکو پتریا خودانێن وان چاڤا یێ دبووینە ک…ر.

ل دەمێ ئەو دبیتە سەرکردە دێ بینی چاوان کرێتی دێ بیتە پیڤەرێ جوانیێ و دێ بینی چاوان مروڤ هەولێن رازیکرنا گارانێ ددەن و باشی دێ بەرزەبن ل بن کراسێن خرابیێ و بێ هەتکی دێ بەلاڤ بیت ب ناڤێ پێشکەفتنێ و دێ بنە پەیرەوەکێ فەلسەفی ل خواندنگەهان هێن خواندن وەک رێکەکا نموونە بو هزرکرنێ، کەسانێن زیرەک دێ ب گوپیتکا بێ ئاقلی و گەمژەیێ خۆ دیار کەن دا نەهێن تاوانبارکرن ب خیانه‌تێ.

وەکی رێبازا ماموستایەکێ من بەری 35 سالا د وانەکا دەرونناسیا زاروکان دا بابەت گەلەک ب زەحمەت ئێخست و دەمێ مە داخاز ژێ کری رێکەک ئاسانتر، ب دفن بلندی ڤە گوت “ئەڤە یە و یێ هوسان بەرسڤ نەدەت د ئەزمونێ دا کورسیکا وی هیڤیا ژێ دکەت بو سالەکا دی”. یا لبیرا من نڤێسینا مە بنەچاری بوو، نەکو ئەنجامێ تێگەهشتنێ و زانینێ بوو، ئانکو ژبو دەرباسبوونێ ژ قوناغەکێ بۆ قوناغەک دی پێدڤی ب لڤاندنا مێشکی نەبوو بتنێ لڤاندنا تبلا بەسە بۆ نڤێسینێ.

دەمێ ئەو دبیتە سەرکردە، هەبوونا مێشکی دبیتە تاوانباری و سزایێ ب کارئینانا وی سێدارە یە، هەر ئێکێ هەول بدەت مێشکێ خۆ ب کاربینیت پێدڤیە نەمینیت ل بەر چاڤا چنکو پتریا خودانێن وان چاڤا یێ دبووینە ک…ر. و کەسێن ب مێشک د چاڤێن وان دا نەزانن یان چیڕدرێژن.

لڤێرێ رولێ مروڤان دەست پێ دکەت، دا وێ نیعمەتا خودێ دگەل کری بکاربینین و دا ڤێ مەسخەرێ ب داوی بینین.